Tât aƀaơ, công ty lĕ ƀư lôch nău ntrŭp công tơ điện tử  veh ngai an 100% năch ta n’gor. Lĕ rngôch 590 rbăn năch dŏng lĕ geh rgâl rnoh mbrô tâm ton kan tăch rvăt điện bâh ntil ƀư ma sƀ jêng nău tâm ton dŏng ma điện tử, dơh gĭt uănh năl n’hanh trok prăk điện, rnoh mbrô công tơ, nar nsât điện, ntĭm dŏng dŏng uănh an đăp mpăn, mpêt nkrem...kanŭng đah nău pet dŭt dơh bâh Zalo mô lah ntŭk dŏng mât kơl năch.

Ta meng nĕ, công ty lĕ ndơ̆ lĕ rngôch sƀ, hồ sơ kĩ thuật tât ăp bôk nău kan, ăp ntil ntŭk mât prăp điện tử gay ma geh njoat n’hao an săk rnglay nău mât uănh. Bâh nĕ, cán bộ mât uănh leo kan mbra geh saơ nău ngăn bâh trong điện, hồ sơ kĩ thuật bâh ăp ntil ndơ dŏng...ƀư tĭng mât uănh bâh ngai tâm ban kơt uănh năl na nê̆ ăp ntŭk nĕ geh nău tât đŏng lah mô gay ma ngăch njrăng rdâng. Nkre lah, PC Dak Lak lĕ ký tâm ton kan đah 15 ngân hàng n’hanh 9 ntŭk ƀư ndranh, kơl an năch dơh lơn tâm nău trok điện bah ir hoach roh mông nar hăn nsong. Công ty lĕ tâm rgop na nê̆ đah ntŭk kan mât kơl năch dŏng bâh Tổng công ty Điện lực miền trung gay ma dơn, mât njrăng nkra mhe ăp nău ŭch bâh năch dŏng bâh ăp kênh kơt: Tổng đài 19001909, email, website n’hanh bâh mạng xã hội (Facebook, Zalo...).