VOV4.M’Nông- An geh rgâl nkra nău mbrơi tâm nău pah kan nchrăp pah kan, nău nchrăp dŏng neh, aơ lah nău đă bâh mpôl kan uănh nđôi bâh HĐND n’gor Dak Lak ta rơh pah kan đah UBND n’gor mpeh nău ƀư tĭng nău kơl, pháp luật neh ntu lvang năm 2016-2021 geh ƀư ta lơ 4/10.

Dak Lak rgâl mhe tâm nău nchrăp dŏng neh

Tĭng nău mbơh tơih ta rơh pah kan, lvang năm 2016-2021, UBND n’gor Dak Lak lĕ an dŏng nău nchrăp dŏng neh ta rơh năm 2021-2030 bâh 13/15 ntŭk kan. Aƀaơ hôm nha 2 ntŭk kan ê hŏ geh an dŏng nău nchrăp kan lah nkuăl ƀon têh Buôn Ma Thuột n’hanh nkuăl Ea Sup. Mpeh nău nchrăp dŏng neh ăp năm bâh ăp nkuăl, nkuăl ƀon têh, tât aƀaơ UBND n’gor mhe geh an dŏng nău nchrăp dŏng neh năm 2022 an 6/15 ntŭk kan, hôm e 9 ntŭk kan ê hŏ geh n’gor an dŏng. Ntoh ngơi ta rơh uănh nđôi, wa Trần Phú Hùng, groi kruanh HĐND n’gor Dak Lăk, dăn đă đah UBND n’gor ntĭm đă ăp ntŭk kan geh tât n’hao nău pah kan mbơh tơih mpeh nău kơl, pháp luật mpeh nchrăp kan, nău dŏng neh, rgâl nkra nău mbrơi n’hanh n’hao nău ueh di rdâk njêng nchrăp kan, ngăch ndăn an dŏng nău nchrăp kan dŏng neh gâl nkuăl...Tâm nĕ, mât uănh âk tay lơn tât nău ntrôl ngăch tâm nău njêng, ƀư lôch nău nchrăp dŏng neh bâh nkuăl ƀon têh Buôn Ma Thuột.

VOV Tây Nguyên/Nuĭh rblang: Thị Đoắt