VOV4.M'nông: Kêng măng 29/7, Hội đồng nhân dân n'gor Dak Lak ƀư Rơh hop way nkô̆ tâl puăn gay mĭn uănh, tâm ban ŭch rgâl Nghị quyết mpeh trong nchrăp ntuh kơl kơi nkra têh hvi tay ăp n'glău n'gâr dak. Nghị quyết 11/2022 bah HĐND n'gor Dak Lak (dơi an dŏng khay 6/2022), geh 8 trong nchrăp n'glăp gâl, đah lĕ rngôch rnoh ntuh kơl 134 rmen prăk bah ngân sách trung ương. N'gul khay 7 mhe aơ, Bộ Kế hoạch Đầu tư geh si ƀŭt an lah nău an dŏng 8 trong nchrăp kan ta Nghị quyết 11 bah n'gor Dak Lak mô hŏ tâm di đah săk nchih an ƀư n'hanh rnoh tơm prăk an ăp nău kan, trong nchrăp mpeh bôk nău kan dâk hao tay wăng sa- rêh jêng kon nuĭh, ân geh nău rgâl an tâm di. Yor kơt nê̆, ta rơh hop way nkô̆ dja, HĐND n'gor Dak Lak hŏ rgâl rnoh ntuh kơl 8 trong nchrăp lah 134 rmen prăk, tâm nê 123 rmen prăk bah ngân sách Trung ương n'hanh rlău 11 rmen prăk bah tơm prăk ngân sách n'gor./.

Nuĭh rblang: Điểu Thân