VOV4.M’nông – Jêh uănh lah rnoh mro rgâl nkra hành chính năm 2021, n’gor Dak Lak geh 86,52, dăp tal 36/63 n’gor, nkual ƀon têh mpeh tâm trung ương, hao 3,3 điểm, jêh 9 gưl nkôp đah năm 2020. Đah rnoh mrô tâm di bah nuĭh ƀon lan, rmôt kan đah nău rhŏ bah ngih pah kan hành chính Ngih dak năm 2021 dăp tal 59/63 n’gor, nkual ƀon têh, hao 3 gưl nkôp đah năm 2020.

Dak Lak rgâl uĕh rnoh dơi tâm rlong gưl n’gor

Tĭng wa Nguyễn Đình Trung, Ủy viên Trung ương Đảng, Bí thư n’gor ủy Dak Lak, bôl lĕ geh âk nău rgâl sam ƀŭt sam tra hành chính yơn gay dơi ƀư âk lơn n’hanh ndơ̆ Dak Lak hun hao tâm di đah ntŭk nkual Tây Nguyên, năm tât, n’gor ntrôl dăng tay nkra rgâl hành chính, n’hao kỷ cương hành chính. Dak Lak lĕ n’gluh an tât năm 2025, rnoh mrô nkra rgâl hành chính bah n’gor mbra dăp tâm rmôt 20/63 n’gor, nkual ƀon têh.

Nŭih blang: Y Sưng Phê Ja