VOV4.M’nông: Rnâng kan rđau Bôk nau kan tâm rgop ƀư nau kan bonh đă n’gor Dak Lak ƀư rƀŭn nchră Bôk nau kan tâm rgop ƀư nau kan bonh đă năm 2021 ndrel ntrŭnh nau kan tâm năm 2022. Tâm năm 2021, bah Bôk nau kan tâm rgop, ăp ntŭk kan, rmôt kan hŏ ndâk nau pă 169 ngih gŭ kơl an ân nŭih ach o, bơi tât 2.600 mlâm mpa ring.

Nkre, ăp rmôt kan ƀư nau kan rlau 60 ntŭk kơl an nau rêh jêng, khám, săm ji, pă dak si mô geh roh prăk ân rlau 1.800 tơ̆ nŭih, đah rnoh prăk rlau 20 rmen 400 rkeh. Wa H’Kim Hoa Byă, Kruanh Rnâng kan Dân vận n’gor Dak Lak, Kruanh Rnâng kan rđau Bôk nau kan tâm rgop ƀư nau kan bonh đă ŭch: Tâm năm 2022, ăp ntŭk kan, rmôt kan uănh năl Bôk nau kan tâm rgop kan rgum tâm nkuăl jru, ngai, nkuăl jêr ngăn, đah ăp nau kan, nau ƀư n’hêl, ngăn./.

Nŭih rblang: H’Thi