VOV4.M’nông – Ta ngih sam ƀŭt Đại học Tây Nguyên (nkual ƀon têh Buôn Ma Thuôt, n’gor Dak Lak) lĕ ƀư bôk nău kan yŭr an mham Nar pơh chăng rơh tal 4 năm 2022. Bôl dôl rnôk chôt srê jêr jŏt, rhiăng sinh viên bah ngih sam ƀŭt mô klach rvê râng yŭr mham. Đah nău mbơh “Yŭr an mham kơl nuĭh-Nău rêh băl n’hanh he”, bôk nău kan yŭr mham Nar pơh chăng rơh tal 14 năm aơ ta ngih sam ƀŭt Đại học Tây Nguyên wăch rgum dŭt âk sinh viên râng.

Dak Lak: Rhiăng sinh viên râng yŭr an mham Nar pơh chăng

Ta bôk nău kan, mpôl rdâk ƀư lĕ wơt dơn 606 đơn vị mham. Ngih sam ƀŭt Đại học Tây Nguyên lah ntŭk n’glĕ dŭt, lôch bôk nău kan Nar pơh chăng ta Dak lak năm aơ. Tâm bơi 1 khay n’gul bah năp, bôpk nău kan Nar pơh chăng ta Dak Lak lĕ wơt dơn geyh bơi 3.500 đơn vị mham, njuăl tât ăp ngih dak si n’hanh ngih dak si tâm n’gor gay tŏng ăp nău ŭch mham an kơl n’hanh săm nuĭh ji.

Nuĭh rblang: Y Sưng Phê Ja