VOV4.M’nông- Ntŭk kan mbơh joi nău pah kan n’gor Dak Lak an gĭt, nuh srê Covid-19 geh mât njrăng lĕ ƀư n’hao nău kan an nuĭh pah kan ta n’gor. 9 khay ba năp ntŭk kan lĕ geh mbơh joi an bơi tât 6.500 nuĭh pah kan. Rnoh nuĭh geh nău kan lôch geh mbơh tơih lah 2.166 nuĭh, geh 90% nău nchrăp lĕ năm.

Tâm rnoh nĕ rlău 2.100 nuĭh geh joi nău kan, geh 1.282 nuĭh pah kan ta n’gor, 799 nuĭh pah kan ta bah dih n’gor n’hanh 85 nuĭh hăn pah kan dak bah dih. Tĭng nău mbơh bâh wa Nguyễn Văn Cường, groi giám đốc ntŭk kan pă nău kan n’gor Dak Lak, tâm  lĕ rngôch năm 2022, ntŭk kan pă mbơh joi an klâp ma 1.200 nuĭh geh nău kan. Gay ma dơi geh nău aơ, ndrel đah n’hao nău way ơm mpeh nău ŭch săch dŏng nuĭh kan n’hanh nău ŭch pah kan bâh website n’hanh mạng xã hội, ntŭk kan lĕ ntrôl dăng nău mbơh tơih nău kan ta ntŭk dâl.

VOV Tây Nguyên/Nuĭh rblang: Thị Đoắt