Đah bôk nău mom ndăm Dak Lăk nsum ti dŏng công nghệ mbrô ta trong rdâk njêng nkual ƀon lan mhe n’hanh nkuăl ƀon têh ueh mhe, nău kan mom ndăm tâm kơl khay rlu nti năm aơ geh Đoàn n’gor Dak Lak mbơh ƀư bâh khay 4 tât lĕ khay 10 đah 5 nău kan têh lah: kơl an khay thi, khay rlu nti ueh nđir, kao phượng gŭr, rơh rlu gŭr n’hanh hành quân nđir.

Ntơm nău kan, Đoàn n’gor n’hanh ăp ntŭk kan ntuh kơl pă an ăp rnoh kan gay ma rdâk ƀư ngih jay tâm kơl, pă prăk ntơm kan, pă ndơ n’hanh học bổng an oh kon se n’hanh ăp rnăk vâl dơi kơl đah lĕ rnoh khlăy rlău 700 rkeh prăk. Ndrel đah nĕ, ta 15 nkuăl, nkuăl têh ta lam n’gor, ăp gâl kan đoàn lĕ tâm ndrĭh ƀư vơt tĭng nar pah kan đah 75 nău kan, nău kan mom ndăm. Lĕ rnoh khlăy ăp nău kan lah rlău 2,1 rmen prăk.