VOV4.Mnông-Di rơh tết Nguyên đán Nhâm Dần 2022, ủy ban nhân dân ăp n’gor lĕ ntrŭnh ntêm an rlău 49 rmen 5 rhiăng rkeh prăk tât khâl, pă ndơ an ăp nuĭh kan, mpôl kan, pă an bơi tât 7 rmen prăk đah năm e. Tĭng nĕ, rnoh prăk pă an ăp nuĭh nsum lah 300 rbăn prăk/hê, rnoh prăk pă an nuĭh dơi kơl, nuĭh geh kan kăl e lah 400 rbăn prăk/hê, rnoh pă an ăp rnăk geh kan kơl kan ntoh lư lah 500 rbăn prăk/hê, rnoh pă an ăp nuĭh dôl geh kơl ăp khay lah 1rkeh 300 rbăn prăk/hê.

Ndrel đah nĕ, UBND n’gor pă ndơ tết bâh 2rkeh 500 rbăn prăk tât 6 rkeh 500 rbăn prăk an 407 ntŭk kan geh ntŭk kan tahen, công an, tahen mât n’har bri, ăp ntŭk kan mât uănh ƀon lan, hành chính tâm n’gor n’hanh du đê̆ ntŭk kan bah dih n’gor.

Nuĭh rblang: Thị Đoắt