VOV4.M’nông-Kêng măng nar 28/8, du hê nuĭh leo kan UBND xã Ea Tul, nkuăl Cư M’gar n’gor Dak Lak uănh năl, ta xã mhe geh du rơh rmok dak dŭt nđach ƀư an du hê oh nô kon bar khĭt. Nuĭh khĭt geh uănh năl lah 2 hê oh nô gŭ ta ƀon Yao, xã Ea Tul, nkuăl Cư M’gar, n’gor Dak Lak. 12 mông nar 28/8, mê̆ bơ̆ bar hê oh Y’Đ n’hanh Y’L mô saơ kon sĭt sa piăng, jêng hăn joi.

Rnôk tât ta dak bât ƀon Yao, saơ kho ao n’hanh jep oh kon ta kơh, gĭt lah geh nău tât jêng lĕ kuăl đă ăp nuĭh tât kơl. Dơn nău mbơh, âk nuĭh ƀon lan n’hanh mpôl kan têh ta ntŭk lĕ tât kơl, joi. Lôch klâp ma 45 mnĭt, ăp nuĭh joi saơ săk 2 hê oh ta dak, lôch nĕ kơl ndrel đah rnăk vâl ăp oh aơ. Dơi gĭt, dak bât ƀon Yao dŏng gay ma tŏ djrah an tơm tăm n’hanh bum mbo bah nuĭh ƀon lan ta nkual. Dak abât aơ geh n’gar n’hanh nchŭt mâng geh nchih dak jru mô an ŭm. Yơn lah yor hâl ŭch pâl, ăp oh mon Y Đ n’hanh Y’L hôm nha jŭr hôm jêng geh tât nău aơ.

Nuĭh rblang: Thị Đoắt