Kêng măng 9/12, ta nkuăl ƀon têh Buôn Ma Thuột, n’gor Dak Lak ƀư rƀŭn gay ma rnê nkhôm ân geh bu rnơm ntoh lư tâm nkuăl rnoi mpôl đê̆ năm 2022.

Tĭng Ban dân tộc n’gor Dak Lak, lam n’gor rnôk aơ geh bơi tât 100 nŭih bu rnơm tâm nsum mpôl ăp rnoi mpôl đê̆. Aơ lah ăp nŭih rêh tâm nkuăl ƀon lah, gĭt nau vay ơm ndrel nau rêh bah kônh wa, leo lor tâm ăp nau kan văng sa rêh jêng bah rnăk vâl ndrel nsum mpôl.

Tâm ăp năm rlau aơ, nŭih geh bu rnơm hŏ jêng nŭih leo ntrong, lah ntung njŏ đah n’gâng kan ndrel ƀon lan ăp rnoi mpôl, rgop nau rêh tâm nau kan bonh đă ăp rnoi mpôl đê̆ tâm nau ndâk njêng Đảng, N’gâng kan, ntrong kan chính trị tâm Dak Lak. Tâm rơh rƀŭn, ăp ntoh măt ndrel tâm nchră, nkoch mbơh nau tă dơi blau tâm nau ƀư tĭng ueh nau dơi bah nŭih geh bu rnơm tâm ăp nau kan hun hao văng sa, rêh jêng, mât nâp ndrel ƀư tĭng ueh ăp nau vay ơm, đăp mpăn rnă njrăng chính trị ndrel đăp mpăn nau rêh jêng kon nŭih bah nkuăl Rơh aơ, n’gor Dak Lak hŏ rnê nkhôm 100 nŭih geh bu rnơm, ntoh lư tâm năm 2022./.