VOV4.M’nông: Di nkah 81 năm nar ndâk Đội Thiếu niên Tiền phong Hồ Chí Minh (15/5), Đoàn n’gor Dak Lak ƀư bôk nau kan rnê nkhôm kon se ƀư ueh “5 nau Wa Hồ ntĭm”. Tâm bôk nau kan, ăp ntoh măt ndrel nkah tay nau vay ơm 81 năm bah Đội Thiếu niên Tiền phong Hồ Chí Minh, trong hăn hŏ rlet rlau ndrel ăp nau kan, nau dơi bah ăp kon se Dak Lak rgop tâm mir nkah âk rbăn nau kan ueh gay ma ndrel ndâk njêng ƀon lan sâm geh. Ntoh ngăn lah nau kan, nau ƀư tâm rlong ƀư ueh 5 nau Wa Hồ ntĭm.

Tâm rnglăp ƀư nau kan kơl an tât ngih săm ƀŭt ndrel rƀŏng tât nau rêh ueh, ăp nau kan Trần Quốc Toản, nau tâm rnglăp băl bên...ndrel ăp nau kan kơl an, ngêt dak nkah gĭt tu. Ntơm ăp nau kan hŏ ntoh âk nŭih kon se ntoh lư, gĭt blau. Rơh aơ, geh 40 kon se ntoh lư tâm nau tâm rlong ueh “5 nau Wa Hồ ntĭnh” geh Đoàn n’gor ndrel Hội đồng hội n’gor Dak Lak rnê nkhôm./.

Nŭih rblang: H’Thi