VOV4.M’nông - Măng 30/8, N’gor đoàn Dak Lak ƀư mittinh Nar rgum Gâp ŭch neh dak gâp n’hanh rnê rhơn 69 nuĭh, rmôt druh ndăm ntoh lư tâm ăp nău kan đoàn, hội. 69 rmôt n’hanh êng nuĭh dơi rnê rhơn rlău 7 nău kan lah: Cán bộ Hội ntoh lư; Druh ndăm rêh uĕh; rnăk wâl mom ntoh lư; druh ndăm rdâk njêng nău kan ntoh lư; ăp Câu lạc bộ, rmôt, mpôl ntoh lư; druh ndăm koet nte ntoh lư; druh ndăm rnoi mpôl đêt, druh ndăm chroh ntoh lư.

Dak Lak rnê rhơn druh ndăm rêh uĕh.

Aơ lah ăp nuĭh uĕh ang geh âk nău rgop tâm trong kan đoàn n’hanh ntrong leo druh ndăm ta ăp ntŭk, ƀư ăp nău hăn lor n’hanh nuih n’hâm druh ndăm tâm ăp nău kan, ntrong leo đah nău uĕh uĕh lăng, hăn lor tâm đoàn viên, druh ndăm. Di rơh aơ, Hội Liên hiệp druh ndăm Việt Nam n’gor Dak Lak lĕ an 2 rnoh prăk ndâk njêng nău kan khlay 40 rkeh an 2 druh ndăm ta nkuăl Lắk n’hanh Krông Năng; an ndơ rnê nkhôm tâm nđŭr nkoch ndrel nău mprơ cách mạng, druh ndăm mprơ nău tâm pât n’hanh tŭr chĭng rnoi đêt n’hanh n’glôch jêh Nar rgum Gâp rŏng neh dak gâp n’gor Dak Lak năm 2022 đah âk nău ƀư ngăn gên, geh nkô̆.

Nuĭh rblang: Y Sưng Phê Ja