VOV4.M’nông: Ôi lơ 12/10, Ngân hàng Ngih dak Việt Nam ntŭk kan tâm n’gor Dak Lak ƀư Rơh rƀŭn nthoi Ngân hàng-ntŭk kan tăch rgâl gay ma ntrŭnh ƀư bôk nau kan kơl an prăk kon tă bah tơm prăk Ngih dak đah ăp rnoh manh bah ntŭk kan tăch rgâl, ntŭk tâm boh nau kan, rnăk ƀư kan tăch rgâl tĭng Nau ntrŭnh 31/12/2022 bah Chính phủ. Tĭng nau mbơh Ngân hàng Ngih dak ntŭk kan tâm Dak Lak.

Bah 5 khay ntrŭnh ƀư, ăp ngân hàng hŏ ntrŭnh nau ntrŭnh êng, ƀư nau ntĭm nti tâm lam ntrong kan tât ăp ntŭk, jrâu ƀư kan, kơp uănh ăp ntŭk kan, ăp nŭih, rmôt kan geh kơl an prăk kon, nchrăp mbơh, nkoch trêng tât ăp nŭih, ăp rmôt ndrel ăp ntŭk...Yơn lah, nau tă geh dơi ntrŭnh ê geh kơt nau ŭch.

Tât lơ 30/9/2022, rnoh geh ân manh kơl an prăk kon tĭng nau ntrŭnh mrô 31 ta Dak Lak mhe knŭng geh rlau 50 rmen, rnoh prăk kơl an rlau 13 rmen. Tâm nar rƀŭn, ntoh măt Ngân hàng tăch rgâl ndrel ntŭk ƀư nau kan hŏ tâm mbơh ăp nau jêr tâm nau kơp dơn nau dơi, nŭih geh manh kơl an rnoh prăk kon dêh, leo tât nau kan kơl an ê geh dơi kơt nau ŭch./.

VOV Tây Nguyên/Nŭih rblang: H’Thi