Tâm 2 nar tâm rlong, 19 mpôl, 183 nuĭh mbra tâm rlong 3 gâl, tâm ôp, doh rklaih nău tât n’hanh nău ngơi tâm ơh dân vận blău. Nkô̆ nău rĭ geh tât gĭt vât mpeh ăp nău mĭn, nău ntrŭnh, trong kan bâh Đảng, nău kơl pháp luật bâh Ngih dak n’hanh nău mĭn Hồ Chí Minh mpeh nău kan dân vận.

Ăp nău nti rgŏ jă ƀon lan geh ƀư tâm nău ngăn lĕ dơi geh leo kan, doh rklaih ta ăp ntŭk, ntŭk kan. n’gâng kan. Rgum ta ăp trong kan geh tâm pit mpeh neh ntu, tâm pit tâm ntŭk ƀon lan gŭ, nău kơl kan mpôl rnoi, phung chroh, nău kan ntrơn du, tâm trok tâm nău mplơ̆ sŏk neh. Tĭng rnâng kan leo kan, rơh tâm rlong “Dân vận blău” năm aơ ta ăp ntŭk kan hành chính gâl n’gor lah nău kan chính trị dŭt khlăy tâm nău kan dân vận. Bâh nĕ gay ma n’hao nău dơn kan, mât kan an cán bộ đảng viên, công chức, viên chức tâm ntŭk kan hành chính ngih dak mpeh nău mĭn nău ntrŭnh bâh Đảng, nău kơl kan bâh Pháp luật ngih dak mpeh nău kan dân vận.