Ntơm bah bôk năm 2023 tât aƀaơ, ăp đơn vị điện lực Dak  Lak hŏ ôp uănh ban saơ n’hanh rmal 560 tơ̆ nău tih dŏng điện, đah lĕ rngôch prăk sŏk mplơ̆ tay rlău 560 rkeh prăk. Bol rnoh âk tơ̆ tih mpeh điện ta Dak Lak hôm ta rnoh âk yơn lĕ rngôch dơi ban saơ nkra rmal ngăch, mô an geh nău tih têh.

Aƀaơ Dak Lak n’hanh ăp n’gor Tây Nguyên dôl tâm n’gul khay wai duh hô, ndrel đah ăp nău kan ôp uănh, groi nđôi đăp mpăn, điện lực Dak Lak ntrôl dăng nkoch trêng tât nuĭh ƀon lan trong dŏng điện đăp mpăn, mpêt nkrem, geh nău tam, nkre rblang ơh ngăch ăp nău ôp bah năch geh tât prăk dŏng điện ăp khay. Ăp đơn vị ngăch hăn ôp uănh, kơi ôp uănh tay ăp nuĭh geh nău mpơl rnoh âk điện hao mô lah hŭch ndal đŏng, ngăch ban saơ ăp nău tât khuch bah kơi công tơ tâm ban kơt ăp nău tih tâm trong dŏng điện.