VOV4.M’nông-Ôi nar 24/8, ta nkuăl ƀon têh Buôn Ma Thuột, Hội hữu nghị Việt Nam-Lào n’gor Dak Lak ƀư rơh tâm mâp măt đại biểu tahen ơm, nuĭh tă way pah kan ta Lào di rơh kahgĭt 60 năm nar njêng nău tâm boh kan nchră nău đah dak bah dih 5/9/1962-5/9/2022 n’hanh 45 năm nar ký nău tâm ton tâm rnglăp, tâm kơl Việt Nam- Lào, Lào- Việt Nam.

Ta rơh tâm mâp măt, ăp đại biểu geh djăt lĕ rngôch nău ntoh ngơi bâh Tổng Bí thư Nguyễn Phú Trọng ta rơh kahgĭt 60 năm nar njêng nău tâm boh kan ndrel Việt Nam-Lào. Tâm nđur, tâm mbơh nău tă kan tâm rnôk tât râng pah kan, nău tâm lơh ta nkual neh băl Lào, mpơl nău ŭch rŏng, nău mĭn ŭch n’hanh nău dăn đă, ăp nkô̆ nău geh tât nău pah kan bâh ntŭk kan tâm rnglăp tâm ban kơt nău kơl kan, pah kan bâh ăp nuĭh kan ndrel n’hanh tahen ơm, nuĭh tă way pah kan, tâm lơh ta Lào. Di rơh aơ, UBND n’gor Dak Lăk pă an 100 nklâm ndơ an ăp tahen ơm, nuĭh tă way kan ta Lào geh nău rêh jêr jŏt, gŭ êng.

Nuĭh rblang: Thị Đoắt