Bôk nău kan gay ma vơt rhơn kahgĭt nar way ơm mpôl kan mom ndăm hăn kan 15/7, lah ueh nar tahen sôt rmanh, tahen khĭt 27/7.

Ta bôk nău kan, ăp đại biểu lĕ ndrel nkah tay nău way ơm 73 năm ba năp bâh mpôl kan mom ndăm tât kan, uănh djăt ăp nău njroh mprơ ueh rnê nsơm nău mĭn nău nsrôih, nău kan, nău knơm geh nău dơi n’hanh ăp nău tâm rŏng ueh, geh âk nău tâm pêt tâm lơh kan ndrel. Ndơn kan an mom ndăm tât râng pah kan kăl e ta n’gor Dak Lak lĕ nkoch mpeh ăp nău kahgĭt khlăy ta rơh tât râng tâm lơh tâm su, nău rŏng kan ndrel, nău tâm rnglăp bâh tahen n’hanh ƀon lan nsrôih ƀư lôch nău kan n’hanh ăp nău roh yot khĭt ji. Di rơh aơ, rnâng kan leo kan lĕ pă an 15 sổ tiết kiệm du sổ geh rnoh khlăy 5 rkeh prăk n’hanh 35 nklâm ndơ an ăp nuĭh tahen tât râng kơl kan kăl e geh nău rêh jêr jŏt.