VOV4.M'nông: Kêng măng (9/9), Mpôl pah kan bah Ƀan rđău đă Trung ương n'glôch jêh 10 năm tĭng ƀư Nghị quyết mbrô 09/2011 bah Bộ Chính trị mpeh rdâk njêng n'hanh mpư n'hao uĕh nău khlay kan bah rmôt doanh nhân Việt Nam tâm rơh ntrôl dăng công nghiệp mhe, uĕh mhe n'hanh lăp rgum dak  bah dih hŏ geh rơh pah kan đah n'gor Dak Lak mpeh tĭng ƀư Nghị quyết mbrô 09 ta n'gor.

Dak Lak aƀaơ geh rlău 11.100 doanh nghiệp dôl kan, lĕ rngôch tơm prăk đăng ký rlău 84.000 rmen prăk,  hao 2,7 tơ̆ mpeh rnoh âk n'hanh 2,1 tơ̆ mpeh têh âk tơm prăk/doanh nghiệp rđĭl đah năm 2011. Ta rơh pah kan, n'gor Dak Lak dăn đă ăp n'gâng kan Trung ương gŭ mĭn, dăn đă trong ntop kơl, ntrŭt ntrôl doanh nghiệp n'hao nău dơi tâm rlong, lơn lah đah ăp doanh nghiệp ta ăp nkual jêr jŏt. Nchih nkah ăp nău rgop dăn đă bah n'gor, wa Đỗ Ngọc An, Groi kruanh Ban Kinh tế Trung ương, an lah, Dak Lak ân rdâk njêng rmôt doanh nhân, hun hao doanh nghiệp mpư n'hao dơi ăp săk geh bah n'gor./.

Nuĭh rblang: Điểu Thân