VOV4.M’nông – Đah nău ŭch mô an geh ăp nău khih ndơ sa n’hanh ăp nău ji tâm ntưp tă bah ndơ ngêt sa, tâm rơh Tết Trung thu năm 2022, n’gor Dak Lak lĕ mbơh trong nchrăp uănh nđôi ăp ntŭk nkra njêng, tăch ƀănh trung thu ta n’gor. Tĭng nĕ, bah nar 6 tât 8/9, n’gor Dak Lak mbra ndâk njêng 2 rmôt uănh nđôi ăp nău kan ta 6 nkuăl, nkual têh n’hanh nkual ƀon têh uănh nđôi nău tĭng ăp nău ntrŭnh pháp luật mpeh đăp mpăn ndơ ngêt sa bah ăp ntŭk nkra njêng, tăch rgâl ta n’gor.

Dak Lak: Tŏng ăp đăp mpăn ndơ sa rơh Tết Trung thu năm 2022

Mpôl uănh nđôi mbra rgum tâm ăp ntil ndơ dơi dŏng âk tâm rơh Tết Trung thu kơt: Ƀănh, mứt, kĕo, bia, poăch, ndơ sa bah poăch. Ndrel đah nău ƀư uănh nđôi, Rmôt kan mbra tâm rgop đah ntŭk kan nkoch mbơh nău gay n’hao nkoch trêng ăp nău ntrŭnh mpeh đăp mpăn ndơ ngêt sa tât ăp ntŭk nkret njêng, tăch ndơ ngêt sa n’hanh ntĭm nuĭh ƀon lan nău săch, dŏng ndơ ngêt sa đăp mpăn tâm rơh Tết Trung thu.

Nŭih blang: Y Sưng Phê Ja