VOV4.M’nông – Bah bôk năm tât aƀaơ, nu nău prah tâm tom ndeh ta Dak Lak n’hŭch ta lĕ 3 rnoh đă ƀư, rnoh rmanh jru, rnoh nuĭh khĭt n’hanh sôt rmanh. Na nê̆, tâm rlău 8 khay rlău ta n’gor Dak Lak geh 151 tơ̆ prah tâm tom ndeh jru, ƀư khĭt 112 nuĭh, sôt săk 76 nuĭh. Nkôp đah rơh aơ năm e hŭch 9 tơ̆, 11 nuĭh khĭt n’hanh 35 nuĭh sôt rmanh. Nău kan dơi kan n’gor aơ dôl ntrôl dăng ăp trong mkra gay mât săk rnglăy dơi geh, lơn lah tâm rnôk bah năp, tâm n’hanh jêh rơh rlu Lễ Quốc khánh 2/9.

Nu nău prah tâm tom ndeh ta Dak Lak rlău 8 khay năm 2022 hŭch da dê ta lĕ 3 rnoh an ƀư.

Wa Bùi Văn Ngọc-Chánh văn phòng Ban đăp mpăn ntung trong n’gor Dak Lak an gĭt, Ban đăp mpăn ntung trong Dak Lak lĕ tâm ôp an UBND n’gor ntĭm rđău ăp rmôt kơt: Thanh tra giao thông, Cảnh sát giao thông, Cảnh sát trật tự... n’hao trong kan uănh nđôi, rmal ăp nău tih ntung trong; ntrôl dăng nkoch trêng tât ăp rơh kơn nuĭh ƀon lan, ngăn lah tâm ăp ngih sam ƀŭt gay nuĭh ƀon lan tĭng rjăp Luật ntung trong ndeh.

Nuĭh rblang: Y Sưng Phê Ja