VOV4.M'nông: Ntơm bah bôk năm tât aƀaơ, n'gor Dak Lak hŏ wơt bơi 260 rbăn tơ̆ năch hăn pâl nđaih, lơn âk lah năch tâm dak. Lĕ rngôch nsĭt geh pâl nđaih nchroh geh tât rlău 121 rmen prăk. Aƀaơ, n'gor dôl nsrôih an ƀư ăp trong rdâk hao tay pâl nđaih tâm nô nău kơt ơm mhe.

Ntơm bah n'gul khay 3, UBND n'gor Dak Lak hŏ an dŏng trong nchrăp pơk mpông nău kan pâl nđaih dak bah dih n'hanh tâm dak ma trong ndeh n'hanh trong trôk. Ôp uănh tay n'hanh uănh năl săk kah uĕh ăp ndơ geh ƀư pâl nđaih ơm geh ta ăp nkual pâl nđaih. Nsrôih ntrŭt ntrôl buăt nthoi, ntrŭt ngăch pâl nđaih đah ăp n'gor, nkual ƀon têh tâm dak n'hanh dak bah dih. Rdâk njêng ăp ntŭk pâl nđaih mhe, tâm rgop nkual gay jêng ăp tour, trong pâl nđaih. N'gor Dak Lak geh ăp nău ntĭm nti na nê̆ tât ăp ntŭk tơm ƀư pâl nđaih, ăp ntŭk manh gŭ nde mpeh trong mât uănh đah pâl nđaih rnôk geh nuĭh ntưp Covid-19. 

Nuĭh rblang: Điểu Thân