Đah ăp nău ƀư rơŏng tĭng rgŏ jă, Hội lĕ wơt dơn rlău 400 rkeh prăk bah ăp ntŭk kan, rmôt kan n’hanh êng nuĭh kơl. Khay kơl nuĭh năm aơ dơi n’gor Dak Lak ƀư rgŏ jă ta 3 ntŭk lah nkuăl Krông Năng, Cư M’gar n’hanh nkual ƀon têh Buôn Ma Thuột.

Tĭng lĕ, tâm khay kơl nuĭh lah khay 5 aơ, ăp gưl Hội chữ thập đỏ mbra ntrôl dăng nkoch trêng jru hvi tâm ăp rơh kơn nuĭh ƀon lan mpeh ăp nău khlay kơl nuĭh, rgum ƀư ăp nău kan, kuăl jă ăp rmôt kan, êng nuĭh kơl an khay kơl nuĭh; an ndơ, ƀư jay, nkra 1 ntŭk “Jay sông sa kloh uĕh-piăng kah” ta ăp ngih sam ƀŭt mầm non; tiểu học. Ntop kơl đêt ngăn 1.000 ntŭk đah ăp nău rêh dŭt jêr jŏt tâm n’gor. Ta nar rgŏ jă, Hội chữ thập đỏ n’gor Dak Lak lĕ wơt dơn rlău 400 rkeh prăk bah ăp ntŭk kan, rmôt kan, êng nuĭh ta lam n’gor rgop, kơl ăp nuĭh jêr jŏt.