Tâm Dak Nông, rnôk aơ geh 3 ntŭk rluh neh, ƀư ntrơn neh khuch hô. Ngăn lah tâm trong Hồ Chí Minh ntŭk trong phường Quảng Thành, nkual ƀon teh Gia Nghĩa, mpeh ta luy âm rluh rlau 3m. Ntŭk chah đang lŏ jong, pơk hvi, ƀư khuch ngăn tât nklăp 100 rnăk ƀon lan. Tâm nkuăl n’har bri xã Quảng Trực, nkuăl Tuy Đức, ntŭk chah đang, rluh neh hôm âk ơm, trĕ hvi tay ăp ntŭk chah đang mhe, têk jong nklăp 80m. N’gâng kan tâm nkuăl hŏ ntrơn 66 rnăk ƀon lan tâm ƀon Bu Krăk, Bu Prăng, njrăng rdâng mô ân ƀon lan lih lăp tâm ntŭk aơ. Khuch ngăn lah nglau dak bât Dak N’Ting, xã Quảng Sơn, nkuăl Dak Glong, nglau dak bât hŏ geh ntŭk chah đang bê tông tâm nâm ndrel mpeh ba dâng, nau khuch mra pling chah n’gâr dak Dak N’ting.

Jêh rnôk hăn uănh ngăn tâm ăp ntŭk rluh neh, tâm rơh rƀŭn lơ 5/8, Kruanh UBND n’gor Dak Nông đă ăp nkuăl, ăp ntŭk kan n’gâng kan ân geh rgum kơp, năn ntrơn ƀon lan luh bah nkuăl mra khuch. Ntŭk kan gung trong n’gor Dak Nông ndrel n’gâng kan nkual ƀon têh Gia Nghĩa ơm rdâng, njrăng, mpâng nau nkah mbơh tâm nkuăl geh rluh neh, nkah mô ân hăn ro đah bôk ndeh hăn trong teng Gia Nghĩa (nthoi Quốc lộ 14 đah Quốc lộ 28)./.