N’gor Dak Nông dôl ntrôl dăng ăp trong ƀư wăch rgum ntuh kơl đah 17 ntŭk nchrăp hŏ dơi uănh an dŏng n’hanh 44 ntŭk nchrăp dôl ôp uănh tay, ƀư lôch jêh siƀŭt, đah nău ŭch wăch rgum bơi 300 rbăn rmen prăk ntuh kơl.

Tâm khay 1/2024, UBND Dak Nông hŏ geh siƀŭt n’glêh an mbrô 54 uănh an 17 ntŭk nchrăp kan wăch rgum ntuh kơl đah lĕ rngôch tơm prăk rlău 3.000 rmen prăk, mpeh ăp ntŭk nchrăp kan săk geh, dơh uĕh bah Dak Nông da dê.

UBND n’gor Dak Nông hŏ rđău đă ăp n’gâng kan, ăp nkuâl geh tât ôp uănh tay n’hanh ƀư lôch jêh siƀŭt, gay wăch rgum ntuh kơl 44 ntŭk nchrăp ƀư let năp tay, đah lĕ rngôch tơm prăk ntuh kơl nchrăp rlău 290 rbăn rmen prăk, lơn âk lah mpeh trong kan công nghiệp, kơt kuĭh joi- nkret njêng bôxít - alumin -  nhôm, ŭnh nar sĭt jêng tay…N’gor dôl leo ăp mpôl pah kan ntrŭt ntrôl ngăch ntuh kơl ta ntŭk tâm lam dak tâm ban  kơt du  đêt dak đŏng kơt Ấn Độ, Trung Quốc, Hàn Quốc, Nhật Bản… UBND n’gor Dak Nông njêng rmôt pah kan mha êng gay ngăch ntrŭt ntrôl nkra ăp jêr jŏt, kŏ kol bah doanh nghiệp, nuĭh ntuh kơl./.