Kêng măng 14/6, UBND n’gor Dak Nông ƀư tâm nchră mbơh ƀư lôch jêh ƀư Căn cước công dân an 100% ƀon lan geh nău tŏng dơi ƀư ta n’gor n’hanh uănh năl jêh geh tĭng ƀư Đề án 06 bah Chính phủ. Tĭng Đại tá Bùi Quang Thanh, Giám đốc Công an n’gor Dak Nông, grêt dêh nău rđău đă bah Bộ Công an, Tỉnh ủy, HĐND, UBND n’gor, Công an n’gor Dak Nông hŏ lor nchrăp an ƀư âk trong  nkra đăt ndal, ngăch ngăr, blău ƀư mhe. Bah nê ntô̆ n’hao  dơi suan dăng bah lam mpôl kan, rgum dơi nău lăp kan bah lam trong kan chính trị ta lam n’gor.

Ma nău an ƀư lĕ n’hâm suan, ăp kôp, ngăch ngăr ăp trong nkra, đah trong rƀŏng “Ƀư lĕ nău kan, mô lĕ mông”, pah kan ndăng măng nar, mô geh nar rlu, nar lễ “hăn tĭng loh, goh tĭng mpông” gay ra uănh, ƀư kloh nău lư jă ƀon lan ƀư căn cước công dân. Kơp tât nar 29/5/2023 mpôl Công an Dak Nông hŏ ƀư lôch jêh pă an Căn cước công dân an 100% nuĭh geh nău dơi tŏng ƀư ta lam n’gor, rlău dơi mông nar tâm ton đah Bộ Công an n’hanh ƀư lôch jêh bah năp nar ton bah Bộ Công an rlău 2 khay./.