Kêng 25/5, ta n’gor Đắk Nông ƀư rgum nchră tâm rgop tuch tăm đah tăch ndơ tuch tăm. Rgum nchră geh nău tât râng bah rlău 30 doanh nghiệp tât bah Nkual ƀon têh Hồ Chí Minh ndrel bơi 200 nuĭh ntơh măt ăp doanh nghiệp, hợp tác xã, ƀon lan kan lŏ  mir bah Dak Nông. Đăk Nông geh 4 ntil ndơ tăch tơm lah: cà phê (rnoh âk ăp năm rlău 350 rbăn tấn), tiêu (rnoh âk bơi 60 rbăn tấn), cao su (rnoh âk 31 rbăn tấn) n’hanh găr (rnoh âk 20 rbăn tấn).

Rlău ma nê hôm âk ndơ geh ƀư bah tơm sa play; bum, biăp. N’gor geh dơh uĕh gay hun hao mât rong n’hanh tui ka. Tât aƀaơ, Dak Nông hŏ kơp dơn 4 nkual tuch tăm dŏng công nghệ mhe mpeh cà phê, tiêu n’hanh ba lŏ đah rnoh hvi bơi 2 rbăn 500ha; geh rlău 85.000ha ăp ntil tơm tĭng ƀư dŏng du gâl công nghệ mhe. Ta rơh rgum nchră, ăp doanh nghiệp tât bah nkual ƀon têh Hồ Chí Minh ndrel ăp doanh nghiệp, hợp tác xã, ƀon lan ta Đắk Nông hŏ tâm ôp sŏng dăng ăp nkô̆ nău mpeh tâm boh tâm rgop kan nsum tăch ndơ geh ƀư n’hanh ŭch rŏng bah ăp ding./.