Rnăk vâl wa Điểu Thắng, rnoi Bunong, ta thôn Tân Bình, xã Đăk Ngo, nkuăl Tuy Đức , n’gor Dak Nông geh 5 nuĭh yơn aƀaơ kanŭng geh du hê wa lah nuĭh pah kan tơm. Ur wa geh nău ji, kon bu klô geh nău ji đŏng, aƀaơ mô dơi pah kan. Wa Điểu Thắng hôm 2 hê kon bu ur năm aơ 15 n’hanh 16 năm deh, kon hoc nti jrô 9 ngih nti THCS n’hanh THPT Lê Hữu Trác, xã Đăk Ngo. Bôk năm nti mhe , nai chủ nhiệm lĕ tât ta jay rgŏ jă ăp oh tât ta ngih nti n’hanh mbơh tơih ăp nău kơl an bâh Đảng, Ngih dak an kon hoc geh nău rêh jêr jŏt, bar hê kon bu ur bâh păng geh nău dơh nơih tât ngih nti, mô geh nklơi nti đŏng “Rnăk vâl gâp dŭt jêr jŏt ngăn, ngai đah ngih nti, bâh geh nău mât kơl bâh Đảng, Ngih dak, ngih nti kơl an ăp oh mon prăk sa, prăk gŭ, prăk hăn nsong. Gâp lĕ nsrôih rgŏ jă ăp oh kon hăn nti gay ma gĭt rplay sƀ, gĭt kơp uănh tâm nău rêh let năp tay.