VOV4.M’nông: Bah năp nau tât bah srê Covid-19 n’gor Dak Nông, Kruanh UBND n’gor Hồ Văn Mười rđau ăp ntŭk kan, ăp nkuăl ân geh lăp ƀư nau kan ân rjăp, ƀư ân ueh nâp nau dơi bah nŭih dâk bôk tâm nau kan njrăng, rdâng srê đah nau ƀư nau kan hun hao văng sa rêh jêng. Kơp tât ôi lơ 23/2, lam n’gor Dak Nông geh 13.169 nŭih ntưp srê Covid-19. Tâm nê, âk ngăn bah ji ndrel sĭt tâm ngih.

Tâm 2 pơh êp aơ, nau tât bah srê tâm Dak Nông dôl âk, rnoh nŭih ntưp mhe hao. Tâm nar rƀŭn trực tuyến đah ăp nkuăl, nkuăl ƀon têh mpeh nau njrăng rdâng srê, wa Hồ Văn Mười, Kruanh UBND n’gor Dak Nông lah rjăp, nau kan khlay ngăn hôm lah vắc xin ndrel 5K. Kruanh UBND n’gor Dak Nông đă, ndrel ma nau kan njrăng, rdâng srê Covid-19, rđau kan ăp ntŭk kan, rmôt kan, nkuăl ân geh nsôih ƀư ueh nau kan hun hao văng sa, rêh jêng tâm rnôk mhe./.

Nŭih rblang: H’Thi