Tĭng Quyết định mbrô 969, kruanh UBND n’gor Dak Nông ntrŭnh mbơh nău ndal mpeh mih sial gay ma tâm rdâng, ndâk nsơm đah 3 nkual geh pĭch rlâm neh, geh dak bât Dak Nting, xã Quảng Sơn, nkuăl Dak Glong, Dak Nông, trong Hồ Chí Minh ta Km 1.900+350, phường Nghĩa Thành, nkuăl ƀon têh Gia Nghĩa.

Nkual ta ƀon Bu Krăk n’hanh ƀon Bu Prăng 1A, xã Quảng Trực, nkuăl Tuy Đức. Gay ma tâm rdâng đah mih sial, kruanh UBND n’gor Dak Nông đă ƀư tĭng ntăm n’gâng mbơh njrăng, mô an ăp ntŭk kan, nuĭh hăn nsong ta ntŭk mbơh njrăng geh nău tât, ntrơn lĕ rngôch rnăk geh nău tât, geh rnâng kan kâp chăm ta ntŭk lĕ măng nar, uănh nchroh nău tât bâh neh ntu, uănh nđôi n’hanh năl nău tât bâh mih sial, nău rgâl, đang ăp ntŭk gay ma ngăch njrăng.