Mih têh jŏ jong, jrăng yôk rluh hŏ ƀư nglau dak Đăk N’Ting, xã Quảng Sơn, nkuăl Dak Glong, n’gor Dak Nông geh nau rluh, pă tâm săk bât, mra geh nau tât pling hoch. Wa Lê Đình Tuấn, Kruanh UBND xã Quảng Sơn, nkuăl Dak Glong mbơh, mih jŏ jong tâm âk nar rlau aơ ƀư nglau dak Đăk N’ting, tâm bôk dak me N’Ting, tâm ƀon N’Ting geh nau rluh neh, chah đang, rluh tâm nkuăl êp dăk bât. Ndri ma, n’gâng kan xã ntrơn ndal 34 rnăk tâm nkuăl mpeh bah dâng gay ma du luh bah nkuăl.

Tĭng nau mbơh bah UBND nkuăl Dak Glong, yôk mpeh đah chiău nglau bât dak ƀon N’ting geh âk ntŭk chah đang nklăp 500m, hvi nklăp 10cm. Tơm ntuh kơl ntŭk dak bât lah Rnâng kan mât nau ntuh kơl ndâk nkra n’gor Dak Nông geh mbơh njoăl UBND n’gor Dak Nông, đă rmôt kan ân manh ƀư nalư kloh nkô̆ bah nau rluh aơ kŏ kơt lah ân geh ntrong kan mât đăp mpăn êp nê./.