VOV4.M’nông: Ntơm bôk năm tât rnôk aơ, Công ty điện lực Dak Nông hŏ ƀư dơi geh 375 rkeh kWh điện dŏng, hao 2,5% rđil rơh aơ năm 2021; rnoh roh rui điện n’huch, rnoh geh prăk điện âk rđil nau nchrăp. Hŏ geh bơi tât 160 rbăn năch trok prăk điện bah ngân hàng ndrel ntŭk kan tâm nklang (rnoh geh rlau 95%). Rnoh nâp điện tâm Dak Nông nar lơn geh ueh, tŏng dơi nau ŭch hun hao văng sa rêh jêng bah nkuăl.

Tâm 8 khay rlau aơ, lam n’gor hŏ saơ ndrel mhal geh 676 tŏ tih nau dŏng điện, ƀư nau rgum sŏk ndrel mhal tih đah rnoh prăk 550 rkeh. Ăp rmôt kan điện lực mô rlu rgâl mhe, ntrŭt dăng nau kan kơt dŏng ntrơn rgâl mrô tâm nau kan mât, mêt uănh gay ma đăp mpăn nau kan tăch dŏng điện geh ntrŭnh ƀư săk tam ngăn./.

Nŭih rblang: H’Thi