N’gor Dak Nông lĕ nchrăp ăp ndoh ndơ an rơh tâm rlong tốt nghiệp THPT năm 2023. Rơh tâm rlong tốt nghiệp THPT năm aơ bah n’gor Dak Nông geh 7404 kon hŏk dăn râng tâm rlong, tâm nĕ, geh 1771 kon hŏk lah nuĭh rnoi mpôl đêt. Lam n’gor ƀư 19 ntŭk tâm rlong đah 327 jrô tâm rlong. Ăp ntŭk tâm rlong dơi ƀư tât ăp nkuăl, nkual ƀon têh đăn mpăn ngăn an kon hŏk râng tâm rlong, n’hŭch đêt ngăn nău kon hŏk hăn ngai, đăp mpăn tâm rnôk hăn an kon hŏk n’hanh me bơ̆.

Wa Phan Thanh Hải, Groi giám đốc N’gâng kan ntĭm n’hanh nti n’gor Dak Nông an gĭt, tât rnôk aơ, trong kan nchrăp an rơh tâm rlong lĕ nchrăp lĕ rngôch ăp ndoh ndơ khlay. Tâm rnôk ta du đêt ntŭk geh nău jêr mpeh rnă njrăng, đăp mpăn, trong kan đăp mpăn rnăk njrăng n’hanh njrăng n’gang nău mplư rlăm tă bah dŏng ndơ công nghệ mhe ta rơh tâm rlong năm aơ dơi n’gor Dak Nông dŭt uănh khlay.