Tâm nau dăp rgum tay nau ƀư, rmôt kan mât njrăng bri n’gor Dak Nông mra n’huch 4 nau kan Kruanh n’gâng kan. Nau mbơh geh N’gâng kan tuch tăm ndrel ƀon lan n’gor mbơh tâm kêng măng 28/6. Tĭng nau ntrŭnh bah N’gâng kan tuch tăm ndrel hun hao ƀon lan n’gor Dak Nông mpeh nau ƀư ndâk tay rmôt kan mât njrăng bri tâm N’gâng kan kiểm lâm, Hạt kiểm lâm nkuăl Dak Glong ndrel Hạt kiểm nkuăl ƀon têh Gia Nghĩa. Ntŭk kan mât njrăng bri nkuăl Tuy Đức ndrel Hạt kiểm lâm nkuăl Dak Rlâp geh rgum jêng Hạt kiểm lâm bar nkuăl Tuy Đức-Dak Rlâp.

Ntŭk mât njrăng bri nkuăl Dak Nsong ndrel ntŭk kan mât njrăng bri nkuăl Dak Mil geh rgum jêng Ntŭk mât njrăng bri nkuăl Dak Nsong-Dak Mil. Ntŭk kan mât njrăng bru bah nkuăl Krông Nô ndrel ntŭk mât njrăng bri bah nkuăl Cư Jút geh rgum jêng Ntŭk mât njrăng bri bar nkuăl Krông Nô-Cư Jút. Tĭng nau mbơh bah N’gâng kan mât njrăng bri Dak Nông, 8 ntŭk kan mât njrăng bri bah 8 nkuăl, nkual ƀon têh bah năp nơh geh 23 cán bộ rđau nau kan. Jêh geh ƀư rgum tay ri mra n’huch lơi 4 nŭih ƀư Kruanh, 18 cán bộ geh pă, dăp tay, du cán bộ rlu ranh ơm tĭng nau ntrŭnh./.