VOV4.M’nông - Nchrăp an rơh tâm rlong tốt nghiệp trung học phổ thông ngih dak năm aơ, n’gor Dak Nông ƀư tĭng tay nău kơl, kơl an prăk măt an ăp kon hŏk geh nău rêh jêr jŏt, kon hŏk rnoi mpôl đêt đăp mpăn râng tâm rlong. Rơh tâm rlong aơ, n’gor Dak Nông geh rlău 6.870 kon hŏk dăn râng tâm rlong, tâm nĕ geh rlău 1.580 kon hŏk nuĭh rnoi mpôl đêt.

Ƀư ntĭm nti tay gay kon hŏk tâm rlong geh săk rnglăy uĕh ngăn.

Aƀaơ ăp ngih sam ƀŭt tâm n’gor dôl ƀư nti tay gay kon hŏk tâm rlong geh săk rnglăy âk ngăn. Wa Phan Thanh Hải, Groi Giám đốc N’gâng kan ntĭm nti n’gor Dak Nông, an gĭt, năm aơ, n’gor ƀư tĭng nău kơl prăk măt rlău 300.000 prăk du hê kon hŏk geh nău rêh jêr jŏt, kon hŏk nuĭh rnoi mpôl đêt, kơl ăp oh đăp mpăn râng tâm rlong.

Nuĭh rlang: Y Sưng Phê Ja