VOV4.Mnông- Tĭng nău mbơh bâh sở lao động thương binh n’hahh xã hội n’gor Dak Nông, dib rơh tết nguyên đán Tân sửu năm 2021, lam n’gor Dak Nông lĕ gehb ƀư ăp mpôl pah kian tât khâl, pă an rlău 73 rbăn nklâm ndơ an ăp ntŭk kan, nuĭh kan ntoh lư, rnăk dơi kơl, nuĭh geh kan đah cách mạng. Lĕ rnoh prăk khlăy rlău 33 rmen prăk bâh tơm prăk ngih dak, tâ nĕ ăp nklâm ndơ geh rnoh khlăy bâh 300 rbăn tât 1 rkeh prăk tĭng ăp nuĭh. Na nê̆, ăp nuĭh geh dơn nklâm ndơ di rơh tết Nguyên đán geh: Nuĭh geh kan đah cách muạng, nuĭh ta rnăk vâl tahen khĭt rmanh, rnăk ach o lah ƀon lan rnoi nđê̆, nuĭh geh ntŭk rêh jêng mât kơl, cán bộ rlu ranh, rnăk geh oh kon dôl pah kan ta Trường Sa, ngih giàn DK 1, ƀon, ƀuôn rnoi đê̆. Wa Y Long- groi giám đốc ntŭk kan lao động- thương binh xã hội n’gor Dak Nông an gĭt.

Đảng, ngih dak way geh mât uănh mât kơl an ƀon lan geh hơm răm đăp mpăn. Ntĭt lah ta rơh tết aơ, n’gor Dak Nông pă an ăp ƀon 10 rkeh prăk gay ma ƀon lan sa tết. Ntơm nơh geh nău mô tŏng, yơn năm aơ lĕ geh pă an ăp xã uănh nđôi ta ăp rnăk. Lôch nĕ bâh ăp ntŭk kan mặt trận, hội chữ thập đỏ  nkuăl gay ma uănh nđôi ăp rnăk ach o gay ma mô geh roh ăp rnăk.

Nuĭh rblang: Thị Đoắt