VOV4.M’nông: Rnôk ntrŭnh ăp nau kan điện sial, ăp ntŭk kan tâm n’gor Dak Nông ton mra rgop nau geh âk ngăn ân tơm prăk bah n’gor. Yơn lah, n’gor hŏ dŭt n’hâm rngot rvê rnôk ma tơm prăk aơ rnôk aơ knŭng geh du gưl dŭt đê̆ rđil nau nchrăp bôk năp. Tĭng nau geh mbơh bah N’gâng kan soay n’gor Dak Nông, 8 khay rlau aơ, nau geh ndŏ prăk ngih dak bah ăp nau kan điện sial tâm n’gor knŭng geh 18 prăk, knŭng tâm ban 6% rđil rnoh geh rlau 300 rmen/năm.

N’gor nchrăp mra geh geh ân ƀư 6 bôk nau kan đah rnoh dăng 430 MW tâm lvang năm 2019-2021. Nkoch tât nau kan aơ, N’gâng kan tơm prăk n’gor Dak Nông mbơh, tâm rnoh 6 bôk nau kan điện sial ntrŭnh ƀư tâm n’gor, knŭng geh du nau kan dăng 50MW năn jêh ndrel leo dŏng bah năp lơ 31/10/2021. Ăp nau kan hôm e hŏ mô năn ndâk, nthoi. Kan ăp nau ntrŭnh điện sial mbrơi lăp kan khuch ngăn tât nau geh bah tơm prăk n’gor./.

Nŭih rblang: H’Thi