Ndrel đah nkuăl ƀon têh Gia Nghĩa, ta lĕ rngôch ăp 7 nkuăl bâh n’gor Dak Nông, ăp gâl kan, ăp n’gâng kan ndrel đah âk ƀon lan ăp mpôl rnoi lĕ tât râng tết tăm tơm si năm aơ. Nchrăp, ta rơh aơ, lam n’gor Dak Nông mbra geh tăm 163 rbăn tơm si nđir ăp ntil.

Êng ta nkuăl ƀon têh Gia Nghĩa, ôi lơ 19/5, ăp đại biểu ndrel âk ƀon lan n’hanh đoàn viên, mom ndăm lĕ tăm  1 rbăn tơm si văr rup ndah N’Trang Lơng. Ta rơh rgŏ jă, wa Lê Trọng yên-groi kruanh UBND n’gor Dak Nông kuăl đă ăp gâl kan, ăp n’gâng kan ndrel đah lĕ ƀon lan ăp mpôl rnoi tâm n’gor n’hao nău gĭt vât mât ueh ntŭk gŭ rêh, nsrôih tăm n’hanh mât ueh tơm si nđir, mât bri.