VOV4.M’nông- 3 rkeh tơm si nđir mbra geh n’gor Dak Nông rgŏ jă tăm ta ăp trong nkuăl ƀon têh, ăp nkuăl têh n’hanh ăp nkual geh mât tăm tơm si an ueh rgŏ ăp trong hăn di rơh kahgĭt 132 năm nar deh Chủ tịch Hồ Chí Minh. Nău mbơh geh nuĭh leo kan UBND n’gor Dak Nông mbơh ta rơh rƀŭn nchră nar 17/5 mpeh bôk nău kan Nghệ thuật kahgĭt 132 năm nar deh Chủ tịch Hồ Chí Minh n’hanh rơh rgŏ jă “tết tăm tơm si lĕ nău rêh kahgĭt wa Hồ”.

Tâm 3 rkeh tơm si nđir geh n’gor Dak Nông rgŏ jă tăm rơh aơ, geh klâp ma 1 rkeh tơm n’ho 3 n’ha mbra geh tăm ta rgŏ ăp trong QL 14 n’hanh 28, ta ăp nkual geh bri dôl muĭh kăl, rŭn in mô tâm di. Êng ta rơh rgŏ jă ôi nar 19/5, ndrel đah đoàn viên, mom ndăm, cán bộ nuĭh kan ăp ntŭk kan ngih dak, n’gor rgum geh rlău 3.250 cán bộ, tahen ăp mpôl kan tât râng tăm tơm si ta ăp ntŭk muĭh kăl bri ta Quốc lộ 14 n’hanh 28.

Nuĭh rblang: Thị Đoắt