Tât kêng măng nđaơ (1/8), ăp rmôt ta xă n’har bri Quảng Trực, nkuăl Tuy Đức, n’gor Dak Nông, lĕ trơn ndal 45 rnăk luh nkual klach, rnôk geh neh ntoh âk pĭch đang ndal jêh ăp nău rtoh têh. Wa Đoàn Minh Thuận, Groi kruanh UBND xă Quảng Trực, nkuăl Tuy Đức, n’gor Dak Nông an gĭt, nklăp n’gul măng 31/7, ta ƀon Bu Krắc, xă Quảng Trực, geh du đêt nău nteh têh ndal.

Tât ôi 1.8, nuĭh ƀon lan saơ âk ntŭk đang ta măt neh. Jêh rnôk dơi nău mbơh, n’gâng kan ƀon lan xă Quảng Trực n’hanh rmôt kan dơi kan nkuăl Tuy Đức lĕ tât ntŭk uănh nđôi. Ta aơ kơp dơn âk ntŭk đang geh nklăp 200m, hvi 10-15cm tâm nkual ƀon lan gŭ. Jêh nĕ, n’gâng kan ƀon lan n’hanh rmôt kan dơi kan lĕ rgŏ, trơn nuĭh ƀon lan n’hanh drăp ndơ luh nkual đang pă tât ntŭk đăp mpăn. Aƀaơ n’gâng kan xă Quảng Trực n’hanh Tuy Đức dôl ƀư rmôt kan n’hanh ăp trong njrăng n’gang ăp nu nău ndal.