VOV4.M’nông – Gay dêr ăp nău khuch đah điện, ngăn lah tâm yan mih phŭt sial, ăp ntŭk kan điện lực Dak Nông tâm rgop đah n’gâng kan ƀon lan, ăp ngih pah kan, nsum mpôl ta bah dâng ƀư âk rơh nkoch trêng dŏng điện đăp mpăn. Ta ăp nar nkoch trêng, nuĭh ƀon lan dơi rblang, gĭt năl ăp nău geh roh đăp mpăn điện, mbơh ntĭm dŏng ndơ điện tâm rnăk wâl, ăp trong njrăng n’gang, n’hŭch rtoh ŭnh sa, rmanh yor điện ƀư.

Dak Nông uănh khlay nkoch trêng đăp mpăn điện.

Điện lực tâm rgop đah n’gâng kan ƀon lan rgŏ jă nuĭh ƀon lan koh n’ging si prêh geh chôt ta trong srê điện, mô tăm tơm si êp nkual geh trong điện cao áp hăn rlău. Nkre, nău kan điện lĕ phăt rlău 1.000 sam ƀŭt nkoch trêng mpeh đăp mpăn điện tâm ƀon lan. Ndrel ntrôl dăng nău ƀư nkoch trêng, điện lực Dak Nông uănh khlay ntuh kơl, nkra trong sre điện, lơn lah trong rse điện hạ áp thôn ƀon.

Nuĭh rblang: Y Sưng Phê Ja