VOV4.Mnông -UBND nkuăl ƀon têh Đà Lạt, n’gor Lâm Đồng mhe geh săm ƀŭt mbơh tơih, dăn đă đah UBND n’gor Lâm Đồng uănh n’hêl an ntŭk tăch ndơ măng ta Đà lạt plơ̆ pah kan tay lôch rlău 8 khay rlu pah kan yor nuh srê Covid-19. Gay ma mât đăp mpăn tâm nău kan njrăng rdâng nuh srê Covid-19, ntŭk tăch ndơ măng Đà Lạt lĕ rlu pah kan bâh nar 3/5/2021 tât aƀaơ. Bâh âk khay rlu kan, nău rêh wăng sa bâh ăp rnăk tăch rgâl ta ntŭk tăch ndơ mâp âk nău jêr jŏt. Ta năp nău ngăn aơ, gay ma mbơh ƀư geh săk rnglăy nkô̆ mpŏng kan nsum tâm nău rêh mhe...UBND nkuăl ƀon têh Đà Lạt mbơh tơih, dăn đă đah UBND n’gor Lâm Đồng uănh n’hêl an ntŭk tăch ndơ măng ta Đà lạt pah kan tay, mô lah pah kan geh nău dơi njrăng rdâng nuh srê...Ta năp nĕ, ndơn kan an rlău 200 rnăk tăch rgâl ta ntŭk tăch ndơ măng ta Đà Lạt lĕ geh săm ƀŭt njoăl an UBND nkuăl ƀon têh Đà Lạt đă n’gâng kan an geh pah kan tay ta rơh tết nguyên đán Nhâm Dần 2022.

Nuĭh rblang: Thị Đoắt