VOV4.M'nông: Kêng măng 24/1, Bộ Văn hóa Thể thao n'hanh Pâl nđaih ƀư "Tâm nchră tâm ban ŭch trong tor lor, trong nkra pơk mpông nău kan pâl nđaih hăn dak bah dih”, tĭng trong ƀư mâp na nê̆ n'hanh pơk sŏng dăng tât 20 bôk ƀoh ta ăp n'gor, nkual ƀon têh mpeh trung ương. Ta rơh tâm nchră, Bộ Văn hóa, Thể thao n'hanh pâl nđaih dăn đă pơk mpông wơt năch pâl nđaih ntơm bah 1.5 tât. Kơp tât nar 23/1/2022, Việt Nam hŏ wơt geh rlău 8500 năch dak bah dih hăn pâl nđaih tât 3 n'gor: Phú Quốc (Kiên Giang), Khánh Hòa, Quảng Nam. Tât aƀaơ, rnoh ăp doanh nghiệp hăn pâl jong nar dak bah dih, ntŭk manh gŭ nde pâl nđaih n'hanh đơn vị njŭn rdeng đăng ký râng wơt năch nar lơn ma âk. Ta năp ăp nău dơi bah rơh rlong wơt năch pâl nđaih dak bah dih, ta rnôk tâm nchră "Tâm ban ŭch trong tor lor, trong nkra pơk mpông pâl nđaih dak bah dih", ăp nuĭh rnâng kan tâm ban ŭch đah nău Việt Nam ntrôl ngăch nău kan pơk mpông pâl nđaih dak bah dih./.

Nuĭh rblang: Điểu Thân