Đảng bộ nkuăl ƀon têh Pleiku n’gor Gia Lai way geh ƀư tĭng nău ntĭm đă bâh n’gor Ủy Gia Lai, ntrôl nău kan công nghiệp mhe, nău rêh mhe, mô rlu mât chăm hun hao ntĭm nti, dak si, văn hóa- rêh jêng, đăp mpăn rnă njrăng, rdâk njêng trong kan chính trị nâp dăng lĕ rngôch. Bâh nĕ, Pleiku lĕ hun hao lĕ rngôch, jêng nkuăl ƀon têh mbrô 1 bâh n’gor Gia Lai mât uănh ta năm 2020. Tât dŭt năm 2023, Pleiku lĕ geh hun hao wăng sa 10,66%, nău geh râng geh du hê nuĭh 110 rkeh prăk, lĕ nuă geh tơm prăk Ngih dak rlău 1.700 rmen prăk. Ta rơh lễ, Đảng bộ nkuăl ƀon têh Pleiku lĕ rhơn vơt dơn Huân chương Lao động hạng 2 tal 2 yor kruanh dak pă an.