Kêng măng 31/3, Đảng uỷ Khối ăp nhih pah kan Trung ương ƀư Tâm nchră jao ban Quý 1/2023 n'hanh an ƀư nău kan quý 2/2023. Lah ta rnôk tâm nchră, Bí thư Đảng uỷ Khối ăp Nhih pah kan Trung uơng Nguyễn Văn Thể lah kloh, ăp phŭng rlăng, bu êh rkeh chính trị aƀaơ dôl joi ăp trong lơh chrai Đảng n'hanh Ngih dak he.

Let năp tay, an ƀư tay rơh sinh hoạt chính trị jru hvi mpeh nkô̆ nău nchih "Rôih dăng, rlăch ndăng njrăng, n'gang sa khâm, tih djơh, rgop rdâk njêng Đảng n'hanh Nhih dak he nar lơn ma kloh uĕh, nâp dăng" bah wa Tổng Bí thư Nguyễn Phú Trọng. Rlăch ndăng lĕ n'hâm suan, rlăch dun tay nău lư tih djơh. Ndrel đah nê, ăp đảng ủy mpeh Đảng ủy Khối, n'hao dăng tĭng groi nđôi, nô nău lư lam rêh jêng kon nuĭh gay lor nchrăp kan nsum đah ăp nhih pah kan geh tât gay nking nchăng nău nchih, nău lư djơh nkoch trêng ta Internet, mạng xã hội rdâng lơh Đảng, Ngih dak.