Ôi 29/3, ta Hà Nội, Đảng ủy Khối ăp nhih pah kan Trung ương ƀư kơi năp nti nău blău pah kan ôp uănh, groi nđôi n'hanh nău tĭng jăp bah Đảng năm 2023. Tĭng trong nchrăp, mbra geh 08 jrô nti, đah bơi 1.000 cán bộ ƀư pah kan hăn ôp uănh dơi năp nti nău kan ôp uănh, groi nđôi n'hanh tĭng jăp nău kan bah Đảng tâm năm aơ.

Jrô kơi năp nti nău kan nar aơ lah jrô nti lor bôk năp bah năm 2023, đah rlău 100 cán bộ ƀư pah kan ôp uănh, groi nđôi bah ăp đảng bộ, mpeh 34 đảng bộ gưl bah lơ tâm Đảng bộ khối râng. Wa Đỗ Việt Hà, Groi Bí thư Đảng ủy Khối ăp nhih pah kan Trung ương dăn đă, cán bộ râng jrô nti, ân rgum âk mông nar kơt nti, n'hao dăng hăn ôp uănh, tâm dâl nău đah ăp nuĭh mbơh gĭt nău lư gay ƀư kloh nkô̆ hôm wĭ wĕ, ăp nkô̆ nău ân ƀư kloh n'hanh nău tă ơm gĭt nkra nău way mâp, nkra ăp nkô̆ nău geh tât.