Ôi ntri (10/8) ta Hà Nội, Đảng ủy Khối ăp nhih pah kan Trung ương ƀư Tâm nchră nkoch mbơh nuĭh kan dăp rgum Ban Chấp hành Trung ương Đảng khóa 14, năm kan 2026-2031. Bí thư Đảng ủy Khối ăp nhih pah kan Trung ương Nguyễn Văn Thể lah rjăp: Nău dăp rgum cán bộ gưl têh ân đăp mpăn nău rđău đă bah Ban Chấp hành Trung ương Đảng, Bộ Chính trị, tĭng ƀư jăp ăp trong rgum geh nău tâm ban n’hanh nău dơn kan bah ăp gưl ủy, mpôl kan đảng n’hanh nuĭh mât bôk kan tĭng di quy định.

Nkre, ân đăp mpăn rêng ƀư lhăt, geh nău tâm ban, mbơh kloh rvah, geh nău nchrăp, gay nkoch mbơh n’glăp tâm săk dăp rgum ăp cán bộ ntoh lư ngăn, geh nău dơi pah kan ntoh lư n’hanh mpŏng hun hao; tŏng nău dơi gĭt blău, nău di đah nău ŭch geh dơn kan. Lôch rnôk djăt nău nkoch mbơh nuĭh kan dăp rgum tâm Ban Chấp hành Trung ương khóa 14, năm kan 2026-2031, ăp đại biểu râng Tâm nchră hŏ tâm ban ŭch sơch mbơh 2 hê nuĭh kan bah Đảng ủy Khối dăp rgum tâm Ban Chấp hành Trung ương Đảng khóa 14.