VOV4.M’nông – Kêng măng 13/1, Đảng ủy Khối doanh nghiệp Trung ương ƀư n’glôch jêh trong kan năm 2021 n’hanh mbơh ƀư nău kan năm 2022. Năm 2021, Đảng bộ Khối doanh nghiệp Trung ương ntĭm rđău, ƀĭt joet mro ăp ntŭk kan nkre ƀư tĭng uĕh trong kan ndâk njêng Đảng n’hanh nkre ntrôl dăng nău ƀư nkra njêng tăch rgâl.

Lam ntŭk rƀŭn nchră

Tĭng kơp uănh, lĕ rngôch nău geh bah ăp tập đoàn, tổng công ty tâm khối geh bơi 1,55 rkeh prăk, nkôp đah trong nchrăp n’hao nkôp đah năm 2020. Ntoh ngơi ta rƀŭn nchră, Kruanh Ban Kinh tế Trung ương Trần Tuấn Anh dăn đă, năm tât Đảng ủy Khối doanh nghiệp Trung ương ntrôl dăng tay n’hanh ƀư uĕh lơn tay trong kan ndâk njêng, ntrŭt uănh tay Đảng; rgâl mhe tay, n’hao săk rnglăy nău kan n’hanh dơi tâm rlong bah doanh nghiệp; đăp mpăn nău geh sa, nău kan an cán bộ, công chức, nuĭh pah kan.

Nuĭh rblang: Y Sưng Phê Ja