VOV4.M'nông: Nar 25/4, Groi Thủ tướng Vũ Đức Đam hŏ ký Công điện bah Thủ tướng Chính phủ mpeh nău mât đăp mpăn rnă njrăng nău kan pâl nđaih nkhêp geh lễ 30/4 - 01/5/2022. Thủ tướng Chính phủ đă ăp Bộ, nhih pah kan tâm ban Bộ, nhih pah kan mpeh Chính phủ, Ủy ban nhân dân ăp n'gor, nkual ƀon têh mpeh Trung ương rgum rđău đă an tĭng ƀư ăp kôp, lĕ n'hâm suan, nsĭt geh nău dơi ăp trong nkra đăp mpăn, rnă njrăng lam rêh jêng kon nuĭh, mât kloh uĕh ntŭk gŭ rêh, đăp mpăn kloh uĕh ndơ  ngêt sa...n'hao săk tam rhŏ dŏng pâl nđaih. Tĭng nê, n'hao dăng nkoch trêng, n'hao nău gĭt êng bah doanh nghiệp, rnăk tăch rgâl, năch pâl nđaih tâm nău mât đăp mpăn quy định mpeh njrăng, n'gang nuh srê COVID-19, mât kloh uĕh ntŭk gŭ rêh, đăp mpăn ndơ ngêt sa....ta ăp nkual, ntŭk pâl nđaih.; Rđău đă ăp n'gor n'hao dăng pah kan hăn ôp uănh, mât đăp mpăn tâm nău kan pâl nđaih; đăp mpăn an năch pâl nđaih rnôk râng hăn trong, lơn lah ta ăp ntŭk geh ma nău kol khan trong, tâm tom ndeh./.

Nuĭh rblang: Điểu Thân