VOV4.M'nông: Ta năp nô nău duh phang hô, rnoh âk dŏng điện hao ta ăp n'gor mpeh bah dâng, Tổng công ty Điện lực miền Nam dôl an ƀư trong nchrăp mât đăp mpăn pă an điện tâm rnôk duh phang ntoch jong n'hanh têk njŭr âk ndal. Tĭng Tổng công ty Điện lực miền Nam, tâm khay 2/2022, 21 n'gor nkual ƀon têh mpeh bah dâng (ntơm bah Ninh Thuận tât Cà Mau, mô kơp nkual ƀon têh Hồ Chí Minh) geh lĕ rngôch rnoh điện dŏng lah 5,461 rmen kWh, hao 17,13% rđĭl đah khay 2/2021. Nchroh tâm khay 3 duh phang, lam nkual mbra hao duh hô tay, ăp n'gor mpeh bah dâng plơ̆ kan tay kơt ơm ta lĕ rngôch ăp trong kan jêng rnoh điện dŏng âk tay. Ndrel đah đăp mpăn pă an tŏng ăp điện, Tổng công ty Điện lực miền Nam njrăng đă doanh nghiệp, nuĭh ƀon lan dŏng điện tâm di, geh nău tam, way njrăng uănh trong rse điện tâm rnăk wâl, nhih máy, jay xưởng.

Nuĭh rblang: Điểu Thân